Hoxe comenzouse a notar o paso prenupcial na marisma, 47 mazaricos rubios Limosa lapponica, 16 biluricos claros Tringa nebularia, 12 mazaricos chiadores (foto da esquerda) Numenius phaeopus e 5 pilros comúns Calidris alpina como mais destacable entre as limícolas, xa non vin a gaiviña de cara branca Chlydonias hibrida pero no seu lugar andaban dous inmaturos de cullereiro Platalea leucorodia. Ademais escoitamos a primeira rula Streptopelia turtur do ano, xa faltan poucas especies estivais por chegar, supoño que a seguinte será a folosa amarela Hippolais polyglotta, xa veremos...Na saida do regato Muiños, en Arealoura andaban hoxe un par de pedreiros cincentos Oenanthe oenanthe polas "mini"dunas e un par de gaivotas cabecinegras de 1º verán na praia.
Algúns mazaricos rubios estaban xa en plumaxe nupcial
Continuan o pato mandarín e mais o ganso de testa branca
Macho de lavandeira amarela alimentándose na marisma
Os dous inmaduros de cullereiro que marcharon e volveron a marisma en varias ocasións o longo do día, non parecía que atoparan a suficiente tranquilidade na marisma para descansar.
Aspecto actual da saída do regato muiños, con diferenca o lugar mais cambiante do Val Miñor
