Esta gaivota patiamarela Larus Michahellis da subespecie do mediterraneo, andaba a descansar hoxe no peirao de Oia xunto un cento de patiamarelas das "nosas", por certo duas aneladas tamén. Destaca o tamaño desta ave respecto as nosas así como a cabeza e pico moito mais fortes. Destacar tamén que na praia de Arealoura son 16 as pillaras papudas Charadrius alexandrinus que se censaron estes días, creo que é o maior número dos últimos anos, poida que de sempre, teño que miralo.No estuario continuan as duas aguias peixeiras Pandion haliaetus (poida que sexan 3) e destacan unha havelda Clangula hyemalis, unha gaivota de bonaparte Larus philadelphia adulta, duas serretas Mergus serrator, así como duas mobellas pequenas Gavia stellata e duas mobellas grandes Gavia immer. O número de patos e alarmantemente baixo se ben parece claro que as suaves temperaturas do norte da Europa están a influir para que non chegén aquí as cifras "normais" de patos de outros anos.
Outra toma da gaivota de Oia, o código da anela era 1L0
Píllara papuda na praia Arealoura, macho que comeza a coller a plumaxe nupcial
corvo mariño grande Phlacrocorax carbo repousando na marisma da Ramallosa
